自由黨成立咗二十年，已經改過兩次黨徽，依家呢個藍色同綠色兩環上下相扣、形成「自」字圖案嘅黨徽都係二○一一年先至設計。不過，從事設計出身嘅立法會議員范國威就發現，原來自由黨黨徽竟然同華人永遠墳場管理委員會嘅標誌好相似，都係兩個分別藍色同綠色嘅圓形圖案上下相扣，只係差頂部一個圓點，佢仲將裝有華永墳場委員會標誌嘅建築物照片上載到社交網站，唔少網民都驚訝竟然會咁巧合。唔知自由黨會唔會因為唔老利而再重新設計一個新logo呢？
（互聯網）
