包括兩專業人士
趙振國之前曾參選立法會批發及零售界，何志誠就係科技界人士。不過，新民黨突然畀佢哋做中委，莫非想為來屆立法會功能界別選舉鋪路？
我哋先講講趙振國，佢○八年以獨立身份參加立法會選舉，曾挑戰當時競逐連任嘅批發及零售界議員方剛，可惜輸咗，之後一一年特首選舉委員會選舉，再次敗予方剛。佢一年多前加入新民黨，唔知係咪諗住泊番個好碼頭，再接再勵呢？
至於何志誠，據聞係名工程師，我哋又打聽到應科院嘅人多數係科技界專才，莫非佢係想選資訊科技界？
抑或黨主席葉劉淑儀咁支持政府設創新及科技局，何志誠會係副局長或政治助理人選呢？到底該黨嘅發展係點？大家就要拭目以待喇！