僭建鐵皮屋種大樹牙煙
西環上班族梁先生發現，加多近街有大廈平台搭有多間鐵皮屋，疑屬違規僭建，更有大型植物由屋內伸出室外，擔心影響大廈結構及途人安全，「個平台又唔係大，起咁多間鐵皮屋容乜易冧？仲要種咁大棵樹喺度，樓下咁多人行嚟行去，是但跌一支大樹枝落嚟都大件事啦！」梁要求屋宇署盡快跟進事件，保障市民安全。
終移走植物
屋宇署發言人證實，根據紀錄，有關平台有僭建物，該署已按《建築物條例》規定向業主發出清拆命令，着令業主清拆並會繼續跟進。發言人又說，根據職員最近視察所得，位於有關僭建物上的植物已經被移除。
「屋宇署真係會繼續跟進至好，唔好又係得個講字！」梁先生要求屋宇署積極取締違規僭建，以免令法例淪為空談。