近日網民發起針對內地遊客嘅「驅蝗行動」，不滿內地旅客逼爆香港。有份發起「本土行動」嘅立法會議員范國威，尋日亦聯同佢所屬嘅新民主同盟成員裝扮成沙甸魚罐頭搭港鐵，抗議個人遊旅客逼爆港鐵車廂，搞到香港市民日日搭港鐵都迫到好似沙甸魚咁。不過，已經係港區全國人大代表嘅保安局前局長李少光就反駁，香港過境口岸並冇逼爆，又對近期嘅「驅蝗行動」百思不得其解，仲想當年話「沙士」時都係靠個人遊先至令香港經濟得以迅速復甦添。李少光咁講，唔通想暗批范國威等人無事搵事做？
