政情：港寧夏無直航好「菊」氣

須經深機場再轉兩次機

佢呻話，依家由香港到寧夏要經深圳機場再轉兩次機，單程至少需要十小時，建議當地政府開通香港直飛航班，咁先至可以打開門戶，迎接商機。

Joise話，好似今次佢去寧夏首府銀川開會，下午三點出門坐車去深圳機場，再搭內陸機到西安，然後轉機去銀川，到下榻酒店已係深夜一點鐘，認真費時失事。

佢話，寧夏四季風景宜人，物產豐富，明目養生聖品杞子就以寧夏出產最靚，亦有港人到當地種植直接入口香港嘅菜心。所以包括佢在內嘅一班人，已經向當地政府建議開通兩地航班，以便促進兩地嘅交流。