電單車違泊行人路擾民
車輛違泊除引致通道阻塞外，亦會帶來噪音滋擾。居於荃灣荃景圍的陳先生發現，區內一段行人路常有多部電單車違泊，「嗰度直情好似免費停車場咁，啲電單車引擎好嘈，停車開車都嘈一輪，長期都係咁，究竟警方做緊乜？」
警接轉介後發23張告票
警方發言人指出，一直關注上址交通情況並派員檢控違例停泊車輛。過去六個月，警方在荃景圍一帶向違例車輛共發出八百九十一張定額罰款告票。接獲轉介後，警員除在電單車違例停泊地點共發出二十三張定額罰款告票，亦在該處放置警告告示。荃灣警區會繼續留意巡邏上址及採取適當的執法行動。
「警方應該要留意多啲，唔好由得啲公眾地方畀人用咗嚟做車位！」陳先生希望警方正視問題，積極採取執法行動，免令居民遭受滋擾。