政情：今日你上鏡：爭產無礙親情霍家和氣團年

已故全國政協副主席霍英東家族嘅爭產案，令霍家幾兄弟姊妹對簿公堂，傷晒和氣，掀起官司嘅原告霍家長房三子霍震宇仲兩度要求重開爭產案，上個月被法院駁回，法官當時亦下令霍家成員最遲要在四月初，向法庭提交執行和解協議嘅進度報告，但案件現已提前於本月十九日（下周三）在高院提訊，而霍震宇早前亦就高院下令擱置爭產案的裁決提出上訴。雖然官司未解決，霍震宇日前出席一個新春酒會時仍笑容滿面，一入場就同孔教學院院長湯恩佳雞啄唔斷。我哋趁機問佢過年時有冇同兄長震霆及震寰團年？震宇好爽快答話：「有，同媽媽一齊食團年飯！」咁即係爭產官司無損兄弟感情？佢笑而唔答，話等搞掂晒啲嘢再請食飯喎！