Party Life：聯歡團拜

婦協主席林貝聿嘉趁住新年新開始，即場宣布婦協未來一連串活動，繼續發揮婦女能頂半邊天嘅角色。另一邊廂，向來團結嘅「潮州冷」日前亦舉行新春團拜，逾百城中政商界「潮人」一呼百應，歡聚一堂以潮語互相恭賀一番。

婚後首次派利是嘅康泰旅行社董事總經理黃進達（左），派夠「雙封」利是，好事成雙，潮人葉振南（中）與胡炎松（右）都戥佢開心。（嚴少阡攝）	潮人賀年 經營珠寶生意嘅胡劍江（右）與保良局主席鄭錦鐘（左），趁新春大口品嘗潮州賀年美食。	潮屬社團總會前主席莊學山（左）與創會主席陳偉南（右），祝願港人馬年身體健康、和氣生財。
新任名譽會長蒙王蓓芬（左起）及徐莉，與長安企業華慧娜及鍾志斌難得聚首，當然要合照留念。（徐家浩攝）	婦協宴會 合和實業主席胡應湘夫人胡郭秀萍都係婦協嘅中堅分子。	羅台秦身穿名貴皮草，無懼寒冷天氣出席婦協春節聯歡。
本身係律師嘅蔡關詠琴，喺婦協一直係成功女性嘅典範。