有傳譯仍無補於事
香港回歸十六年，《基本法》寫明中文同英文都係法定語言，但西九文化區管理局董事局開會同文件都係用英文，有人估計因為董事局內唔少成員，平日都習慣講英文，例如董事局裏面有盛智文，佢本身係外國人，夏佳理廣東話流利，但始終睇慣英文文件，而行政總裁連納智都係外國人。講英文成為開會嘅習慣，有平時講慣廣東話嘅董事喺會上就唔多出聲。雖然會上有安排即時傳譯，但佢哋都選擇乜都唔講，可能係唔夠自信啦。
呢個情況，可能係其他法定團體嘅縮影。喺西九文化區管理局呢個討論文化如何薈萃嘅管理局，意念交流因語言帶來隔閡，其實都幾荒謬囉。