政府打鑼咁搵地，但對於恒基兆業地產主席李兆基捐地嘅建議，政府考慮一輪之後，終於拒絕。發展局局長陳茂波尋日話：「我哋多謝佢哋嘅善心，但由於不同捐贈者所提出嘅捐贈條件同想實現嘅理想唔同，我哋認為有興趣捐地嘅土地擁有人最好係與非牟利機構商討捐地……」新世界發展主席鄭家純隨即話：「既然咁多顧忌，我唔捐地喇。」情況好比見水唔飲得，又好似和尚化緣，但原來善心施主施捨嘅食物，和尚係唔啱食嘅。只能講句：「善心嘅施主，善哉善哉！」
