「貪湯」湯顯明除咗先後被揭發在任海關關長期間濫用政府飛行服務隊資源「公費遊飛機河」外，仲將「擦鞋」奉承文化帶進海關。有傳貪湯治下嘅海關，不但夜夜笙歌兼要求女海關人員「陪唱」，仲搞到有海關高層人員為博取佢歡心，即使泳術極之精湛，也刻意在每兩年舉行一次嘅水運會比賽中讓賽，故意敗給貪湯「博升職」。雖然游水讓賽一事仍未查明真相，但相信貪湯嘅下屬會年輕啲，喺體力上點都勝一籌，如果咁都輸得畀貪湯，除非游游吓抽筋嘅啫，否則點會輸呢，明眼人實睇得出啦！
