回收車霸位 阻上落貨
貨車司機周先生稱，每次送貨到尖沙咀金巴利道一帶商舖時，均難於上落貨區覓得泊位，卻發現有回收車長期違規停泊，雜物更放滿一地，阻礙其他車輛出入，「車位已經夠少，但有架回收車同雜物霸住啲泊位，我哋呢啲真係要上落貨嘅就冇得用！」
當區區議員關秀玲直指警方鮮有巡查及執法，「收過唔少貨車同私家車司機投訴，但情況都冇改善過！」
警方發言人指出，上址附近有商舖經營廢物回收，會將回收車輛停泊在金巴利街一帶上落貨物，但強調該處屬上落客貨區，車輛停泊但非上落貨即屬違法，違者會被罰款三百二十元。發言人又指，去年十一月至今共接獲十一宗投訴，並發出一百二十張定額罰款告票及一個口頭警告。