渡海濠情：無煙骨房 玩得仲爽
無煙工作環境喺香港實施多年，但原來喺澳門就唔係咁講喇！早前一班報稱澳門博彩業年輕基層員工，透過臉書籌組「博彩最前線」，盡訴焗逼食二手煙心聲，希望引起業界關注。講就容易，莫講話娛樂場所咁大咁多人出入，就連骨場呢類單打獨鬥嘅骨房，講到今日都未禁到煙，不如我哋又聽吓澳門龍會嘅靚女楚楚同思棋點講。
顧及感受
楚楚：在此聲明，我都係一名煙民，但只會收工後至食，開工期間一律禁煙，無非係要顧及客人感受，事關呢一代嘅人大部分都唔食煙，對於煙味非常敏感，假如聞到囡囡有煙味，就算再好招呼都投訴你！就算人客本身食煙，都唔等於接受服務員有陣煙味，因此我覺得，最好骨場禁煙，若然難行，就先試骨房禁煙，令人客慢慢習慣！
思棋：我唔太贊同呢個講法，若然係禁就應該一刀切，禁啲唔禁啲反而令人客無所適從，試諗吓人客喺廳食緊煙，跟住行入房，咁技師係咪叫佢整熄支煙呢？呢啲條例只會令前線員工尷尬，仲會出現不必要爭執，影響餘下服務氣氛添！
楚楚：照你咁講法就太不近人情，須知道澳門係靠博彩、旅遊服務業起家，如果咁硬只會引起人客反彈，以後唔嚟骨場玩，不如慢慢培養人客習慣咪仲好！
思棋：可以慢就梗係好啦，最大問題人客同技師條命冇得慢嘛，我哋每日都喺骨房開工，無時無刻食二手煙，好快死o架！
人人受惠
楚楚：我承認喺骨房食煙的確對雙方都有影響，始終食完間房都有煙味，輪到下家Happy點都會有陣味，但你又要諗吓，人客爽完食支事後煙真係好平常啫！
思棋：如果技師同人客一齊食就享受，但只得人客食，技師就好難受囉！既然都爽咗鑊，係咪應該返出大廳先慢慢享受會更好，點解要逼囡囡陪食喎？
楚楚：我覺得你太偏激，既然早知道做技師係要硬食，咁就唔應該入咗行喺度怨，又或者轉一間無煙骨場做，唔好要人哋遷就，話實我哋都只係打工仔！
思棋：邊個話打工仔唔可以據理力爭o架？時代不斷咁變，依家澳門食肆都可以禁煙，點解骨場唔可以，唔出聲就冇改變，呢個社會係需要我呢種技師先會進步！
楚楚 Profile：
三圍：34-24-33
身高：5呎3吋
思棋Profile：
三圍：33-22-32
身高：5呎2吋
撰文：祖
攝影：章