探射燈：條例存漏洞累及消費者

「廿四味可能得十幾味藥材，有啲龜苓膏根本冇龜板！」香港城市大學生物及化學系副教授張漢揚表示，曾經調查市面的涼茶店，發現廿四味的成分各異，藥材種類出入近四十種，亦發現有龜苓膏不含土茯苓成分，誤導消費者之餘，更可能影響服用者的健康。張建議當局效法日本，立法管制中藥配方的材料成分，如規定廿四味要有指定廿四種藥材，將中藥標準化。

不宣稱治療毋須領牌

根據《中醫藥條例》，如經營中藥材零售或批發業務，必須向中醫藥管理委員會轄下中藥組申領有關牌照。

市民點睇 施小姐（大學生）﹕「就算熱氣都冇自己亂買嚟煲，知道中藥唔可以亂食，好似有啲藥材，蠶豆症病人唔可以食，由註冊中醫開藥方就最安全。」

徐小姐（人力資源）﹕「自己唔多食中藥，覺得中藥冇西藥監管得咁嚴，最好對每一種成分都有了解先去買。」

不過，若店舖出售的是含有中藥成分的湯及涼茶，而不宣稱任何治療用途，則可當作食品處理，毋須擁有中藥商牌照。