咸美頓街違泊多 警鮮票控
違泊不但防礙車輛出入，更易釀成交通意外，警方被指執法不力！旺角咸美頓街雖非主要交通幹道，但不時會有車輛駛入上落貨，加上部分違例停泊的車輛阻礙通道，令對頭車互阻鏡頭不時出現。「呢度成日都有車違泊，因為警察唔理，結果仲引埋啲貪方便嘅人喺度上落貨，簡直離晒譜！」黃先生指每次途經上址均發現有違泊車輛充斥，警方卻鮮有票控。
警方發言人表示，過去十個月曾接獲七宗涉及上址的車輛違泊投訴，並進行十四次相應的執法行動。發言人強調，警方會繼續密切留意上址情況，並派員採取適當的執法行動，以打擊違例泊車和保持交通暢順。
塞路致對頭車互阻
「（警方）抄十四次牌就以為好多，唔怪得長年累月都有人喺度違泊啦！」黃表示上址因違泊而出現對頭車情況普遍，促警方採取方法杜絕違泊。