探射燈：每慳一蚊喜悅萬分
進入家園便利店的顧客，每人都有一個故事。「我屋企三個大男人，八公斤米唔使一個月就食晒，喺呢度買米真係慳好多。」四十一歲的黃女士為一名家庭主婦，一家四口均靠任職水電維修工人的丈夫每月一萬多元薪金維持，還要照顧十四歲患有智障的兒子，黃形容近月物價飛升，生活百上加斤，日常生活必須「慳得一蚊，得一蚊」，「呢度好多日常用品都好平，尤其喺米同罐頭，年終可以慳番唔少！」家住天水圍天耀邨的黃女士已成了家園店常客，並指在該店購物感到很舒服，「佢哋（售貨員）個個都好好人！」
「希望可以開多幾間」
「我最鍾意嚟呢度買薯片、紫菜同飲品返去氹啲女。」現年三十六歲、任職廚師的李先生，以每月一萬六千元的薪金養活妻子及兩名分別八歲及六歲的女兒，生活捉襟見肘，「依家租金、物價乜都貴，兩個女嘅書簿、校服同補習，樣樣都係錢，唔慳唔得。」
李指出，家園便利店確減輕基層人士不少壓力，「希望可以開多幾間，如果開間近啲我屋企就最好啦，到時買多啲嘢攞返屋企都唔使行咁遠。」此番話說相信亦是一眾貧苦大眾的心中所想。
