「貪曾」曾蔭權爵士任內唔單止貪盡海陸空，原來佢仲留落好多蘇州屎畀下手，搞到現屆政府啃完一單又一單。話說佢任內嘅政府早喺二○○八年已經曾向立法會財務委員會申請二百一十六億元撥款，用作注資西九管理局發展文化區之用，但西九文化區嘅工程拖咗咁耐，加上物價不斷上漲，依家大部分工程都仲未動工，二百幾億又邊夠用呢，據我哋所知，個項目超支百幾億元，留低成身債畀現屆政府囉。貪曾碌爆卡就拍拍屁股走人，接佢手尾嗰位真係陰功囉！
