校舍荒廢六年政府短視

居於大埔區的蘇太指出，大元邨前孔教學院三樂周沕桅學校停辦至今最少已有六年，空置校舍日益破舊，現僅供街坊「晾衫、打波」，甚至淪為夜青流連之地，「政府又話唔夠地用，但係個位咁靚嘅學校就咁擺喺度，如果一早決定起公屋，依家都已經入埋伙住緊啦！」蘇太又指位於富善邨的前中華基督教會基正小學亦同樣荒廢，不滿政府缺乏長遠視野。

全港有101所學校停辦

教育局發言人表示，周沕桅學校及基正小學分別於○六年九月與一○年九月起停辦，局方審視校舍的面積、地點和樓宇狀況以及探討不同方案後，於一○年十月及去年二月確認兩所校舍不再作教育用途。截至今年六月上旬，全港有八十六所小學及十五所中學因停辦而空置，其中四十九所校舍面積較小，加上位於偏遠地區，不適合再作教育用途，因此局方已通知規劃署，將校舍歸還有關部門以考慮作其他用途。

區鎮樺指大埔區議會曾多次向部門提供使用空置校舍的意見，惜了無下文。	基正小學球場重門深鎖，未有開放予公眾使用，有街坊利用大閘晾衫。	校舍玻璃盡毀，設施已變得殘破不堪。

發展局發言人則說，規劃署正就空置校舍進行土地用途檢討，徵詢有關政府部門意見及考慮相關地區的情況、環境、交通配套設施及其他因素，檢視該等空置校舍是否適合作政府、機構或社區設施或其他用途。

「竟然要成四年先確定唔再用嚟做學校，係唔係可以縮短呢個考慮時間？其實地區人士一早已經表達咗想點樣用，點知搞咗咁耐都仲未有定案！」大埔區議員區鎮樺認為，教育局與規劃署即有責任盡快就規劃作評估和諮詢，「將新簇簇嘅學校擺到爛蓉蓉先畀人申請，到時又要畀額外錢嚟維修，結果又浪費公帑！」

城巿大學專業進修學院學術統籌宋立功亦認為，部門的處事效率「慢到離譜」，「啲部門全部都懶懶閒，政府應該定番條死線，仲要整個跨部門小組嚟處理空置校舍，減少部門間嘅官僚程序，等計劃可以盡快上馬！」宋續稱，政府有責任善用土地，建議設立平台詳列土地面積及用途等資料，方便有興趣者申請使用，「啲資料喺晒度，睇吓有冇心做嘅啫！」

記者：朱廣華