指示牌「橫瞓」阻行人
「塊牌打橫瞓咗喺路邊成個禮拜，啲人行出行入會好易整親！」楊先生近日途經天水圍宏逸廣場附近，發現一塊高約三米的指示牌被棄置於單車徑旁，懷疑遭人破壞後棄置，惟擺放逾一周仍未移走，不滿部門處事效率欠奉，「之前附近有條欄杆畀人拆咗，又係放咗喺度幾個月都冇人理，啲部門做嘢真係好慢！」
路政署發言人表示，經巡查後發現上址一塊交通指示牌損毀，被放置在單車徑旁，已即時指示承建商進行維修。發言人續稱，路政署會定期派員巡查，一旦發現有人蓄意破壞轄下設施，會通知執法部門跟進。
該區區議員姚國威指，該帶行人路旁設花槽及單車徑，涉及多個政府部門的管理範疇，但因部門各自為政，即使發現問題亦未必會通知相關部門，令問題一拖再拖，「唔係負責範圍就唔理，見到都唔通知關事嘅部門，所以小事都搞咁耐！」