港鐵封閘惹乘客不便
每逢早上及下午繁忙時段，港鐵沿線車站例必擠得水洩不通，不過，阿強卻發現黃大仙站近E出口有入閘機長期關閉，未有開放使用，「放學同放工個閘都係唔開，全部人都要逼住喺中間啲閘出入，真係好逼，都唔知點解有閘唔用！」
港鐵發言人解釋，黃大仙站共設兩個付費大堂，一個位於車站中央，一個則靠近E出口，但只設入閘機，以方便乘客前往月台，但有關入閘機只於星期一至六早上十時三十分前開放。其他時段則因使用量偏低，在環保前提下，入閘機及有關扶手電梯均會關閉。
發言人又強調，現有安排已足以應付乘客需要，但仍會接實際需要開放設施。
「平時晏晝唔開都算合理，但放工就會有好多人，全部要逼喺中間出入閘真係好逼！」阿強認為港鐵未有真正顧及乘客需要，現有措施僅為方便管理而制訂。