領匯商場棚架傷途人
屯門大興商場有地舖近日圍起棚架，惟搭建多時仍未見有工程進行，街坊李婆婆早前便不慎被竹枝絆倒受傷，「條路又窄又多人行，個棚架霸咗半條路，之前行過果然就畀佢戟到跌低！」李婆婆希望工程盡快完成，「畀番條路街坊行」。
「個棚架係因為有商戶違規喺舖頭外面裝冷氣散熱器，領匯只係出信叫人搬走，結果商戶榙咗個棚但又唔肯拆，到依家都未開工！」當區區議員徐帆承認曾接獲不少街坊投訴，相關事件亦在民政事務處大興及山景分區委員會中討論，正要求領匯盡快解決。徐帆又稱，大興邨內長者人口眾多，領匯有責任敦促租戶盡快完工，保障居民安全。
領匯發言人證實，有關租戶需進行搬遷散熱器工程，但未有就工程預計完成時間作回應，僅指當租戶完成後，會盡快清拆有關棚架。