發展局局長林鄭月娥鐵腕處理新界村屋僭建問題，一向敢言嘅全國政協委員兼政府策略發展委員會委員劉夢熊，繼早前流浮山鄉事飯局後，尋日再次同班元朗鄉紳坐埋食飯討論解決村屋僭建問題。劉夢熊要求特赦所有結構無危險嘅村屋，以補地價方式理順。佢仲直指林鄭唔係神，唔係句句都係真理，好應該因時制宜，如果堅持唔改嘅話，隨時會發生流血事件。
