月月贈白米 長者感關懷

「我做『夫攤』（full-time全職工作）唔係『爸攤』（part-time兼職）！」八十八歲的陳好笑甫見記者來訪即展示其英語會話能力。原來陳婆婆年輕時曾為外籍人士當家傭，十多年前入住長者屋後，即受惠於贈米計劃，至今仍每月定時獲贈白米。談到獲贈白米多年，率直的婆婆坦言現時經濟環境欠佳，更向記者表達憂慮：「你哋會唔會突然唔派架？」

八十四歲的何珍則獨身至今，「喺上面落嚟冇乜知識，所以點辛苦都要做，加上賺得少，養得起自己已經算好，仲點會諗娶老婆！」

通脹升溫要死慳死抵

何伯曾於酷熱無比的生鐵廠內拚搏多年，年輕時體力仍能應付，可是多種病痛潛藏至踏入暮年才漸漸浮現，近年更因腳痛難無法回鄉探親，過着孤單的獨居生活，深感健康飲食尤為重要，「依家多數都係食飯同菜，已經好少食肉，一來貴，二來老人家消化唔到！」

富亨長者屋社監黃國強指出，長者屋的長者經濟能力有限，「我地呢度逾九成半長者只係領取綜緩，但係啲嘢實在愈來愈貴，好多長者為咗慳番一角幾毫，就算要行遠啲都要過隔籬邨買餸！」黃又指出，長者除面對經濟壓力外，更害怕被人遺忘的感覺，「有啲長者行動不便又無親無故，基本上足不出戶，逐漸會變得孤僻。」因此，每個月派米的日子，他們便最能感受到社會嘅關懷，故希望贈米活動能持續下去。

捐款編號：16333

記者：朱廣華