渡海濠情：考試要放鬆 唔係會縮胸
最近嘅熱門新聞一定係新高中考試，眾多考生都成為白老鼠，講起高考真係諗起都驚，好似嚟自利澳夜總會嘅靚女飄飄，佢話舊年考高考時擔心咗成個月，唔只個人瘦晒，連對巨乳都細咗幾個碼，有冇咁大影響呀？
茶飯不思
飄飄話：「自己讀書一直都係打天才波，即係平時好少溫書，只係到考試前就臨急抱佛腳，鋤幾晚通宵就去考，但出嚟嘅成績都係學校同級嘅前十名，可能自己間學校成績麻麻，所以一直都覺得冇乜壓力，不過到咗高考前兩個月，就突然感到好大壓力，於是想學人靜心溫書，但由於人緣好，今日阿甲叫我去街，聽日阿乙又叫我去玩，就咁浪費咗成個月，到臨考前一個月，發現唔可以再玩，於是拒絕所有嘅約會，專心讀書，但就讀極都讀唔入腦，仲搞到自己茶飯不思添！」
輕鬆減壓
難怪個胸縮細幾個碼啦？飄飄話：「阿媽見到我咁嘅樣，反而畀錢要我出去散吓心，於是咪叫班男仔出嚟玩囉！玩咗幾日，總算清醒過嚟，於是又膽粗粗走去考試，成績都唔差，但入唔到啲重點嘅大學，所以咪出嚟打工囉！」咁有乜寄語畀啲考生呢？飄飄話：「家陣好多嘢都已經改變唔到，不如考完試就出去輕鬆吓，否則考試前扭到咁緊，考完都唔放鬆吓好易出事架，有男朋友嘅就同男朋友癲吓，我記得自己隻豬都係咁冇咗，未有男友嘅同成班姐妹玩，都好爽啫!」
飄飄Profile
年齡：21歲
三圍：34-23-35
撰文：小德
攝影：阿昌