食署攤檔炒燶焗丟空
【專案組】食環署為協助市民小本經營，兩年前重新為一批空置的固定小販攤檔供公眾競投，反應出乎意料的熱烈，二百多個攤檔惹來九千多人爭奪。不過兩年後今日，該批攤檔大部分「門常關」。競投人士前熱後冷的態度耐人尋味。本報明查暗訪之下發現，部分競投人士抱以小博大心態，以圖投得「靚位」後轉租賺錢，最終卻「炒燶檔」而被迫丟空，或以賤價轉租檔口。
該批讓公眾競投攤檔中，不乏位處內街，人流稀少的地點，能吸引大批競投者，最大原因是當中夾雜一批「筍檔」。知情人士解釋：「依家旺角花園街（攤檔）個價每月都去到一兩萬，如果個位靚啲，閒閒哋要成四萬元。」至於檔主的最大開支，亦僅是每年四、五千元的小販牌照費，絕對是本小利大。「呢班人（競投者）最想租就係呢批攤檔，如果抽唔到，咪退而求其次，揀其他位，諗住平平哋租畀人執番啲。」本報最近巡查該批出租攤檔，發現大部分均沒有開門做生意，其中又以九龍城炮仗街及深水埗大南街情況較為嚴重。
檔主稱食署極少巡查
記者佯裝租客，接觸有意轉讓攤檔的檔主陳伯（化名），他表示，因分身不暇，所以轉租，開價每月一千元，另租客同時需支付每月約四百元的牌費轉租檔口，更要求預先繳付一年租金。對於轉租屬違規，陳伯說：「佢哋（食環署）好少落嚟，就算嚟，你就話個持牌人行開咗，你咪打電話叫我嚟囉！」
食環署指，如食環署人員發現持牌人在卅日內共有十四天或以上無營業，經書面警告後亦未恢復經營或提出合理解釋，該署會考慮取消其牌照。立法會議員王國興指食環署應跟進及調查沒有經常營業的攤檔，要求商戶解釋。