日本首相野田佳彥呢頭訪問完中國，攞完着數，嗰頭轉身去印度，同印度總理辛格會談，雙方簽署聯合聲明，彼此進一步擴大海上安全合作；兩國海軍，明年亦會進行首次聯合演習；雙方喺經濟、建設上又互有支援。盲嘅都感覺到，日本和印度的舉動，明顯在制約中國，尤其是加強維護海洋主權。
中國要「和平崛起」，講就易，眼下中國是富貴到冇朋友，各國表面上對中國客客氣氣，暗地裏都不懷好意。令人迷惑的是，中國一味用銀彈，動輒以億元計的去資助他國，自家的事卻擺着少理，像新簇簇的校巴捐馬其頓，一捐就是二十三輛，自家孩童卻擠破車，難怪網民揶揄：這好比做娘親的，有奶不餵飢腸轆轆的親兒，卻去餵別家孩子，有這道理嗎？
印度知名企業家拉坦．塔塔說：「中國是世界工廠，印度則是這一地區的知識中心。如果雙方能夠共同合作，就能形成一股強大的力量。」印度佬真係夠晒「有知識」，對中國表面上拍膊頭，暗地裏卻加強和日本、美國合作，狂購艦隻潛艇，邊境加強軍備。咪玩啦，兩國明明係對手多過係合作夥伴！
坦白講，印度同中國兩個經濟崛起的大國，無論是龍是象，都不是救世主。中國最近亂象叢生，官逼民反，維穩要加大力度；印度一樣面臨貧富兩極、貪污腐化問題。計老朽話，兩國都是「遠觀一朵花，近看一個疤」；原來是幅畫，哎呀我的媽！