市民怨聲載道之下，中電尋日終於投降大幅降低明年電費加幅。素來被喻為好識做環保騷嘅環境局局長邱騰華，即刻跳出嚟攞彩，得意洋洋話佢會繼續做好嚴謹嘅把關工作。邱騰華真係唔知個醜字點寫，當初佢同兩電簽署利潤管制協議時，如果把關得好，就唔會搞到兩電加到盡，要市民同政黨反對之餘，政府仲要出口術喺網上留言叫人反對加價，依家中電降低加幅，應該歸功於市民團結反對。
