公屋滲漏房署跟進緩慢
公屋滲漏無日無之，房屋署被轟「大歎慢板」！雷先生為沙田廣源邨居民，今年年初發現單位洗手間天花有水印出現，漸漸更有石屎剝落，雖即時向房署反映問題，惟一直被拖延處理，直至本報轉介後才獲跟進，「之前同佢講親，啲職員都淨係識出信畀樓上，樓上唔理佢哋（房署）又唔理，簡直離晒譜！」
屋邨管理公司發言人表示，事件疑因上層單位之自設地台出現滲漏所致，已要求住戶維修設施，並建議當事人讓房署承辦商先行為其天花出現滲漏之處進行化學灌漿（俗稱打針），可惜被拒。發言人又稱，今年六月下旬獲悉滲漏情況再現時，已再次跟進。
打針防漏治標不治本
「之前佢（房署）已經打過一次針，結果又係漏水，繼續整都係治標不治本，整嚟做乜！」雷先生不滿房署未能提供徹底解決方法，要求正視。