政情:小孩怒撕淫褻免費報

淫褻免費報紙滿載色情不雅資訊,出版至今已累積多達二十項物品被淫褻物品審裁處正式評定為不雅紀錄,引發全城怒吼。全港已有多間學校「嚴禁」學生攜帶淫褻免費報入校園,學生亦都聽教聽話,自動自覺拒絕帶淫褻免費報返學或返屋企。不過,有家長連學生都不如,竟然帶份淫褻免費報返屋企,結果激嬲子女之餘,子女仲即場撕爛份淫褻免費報以示不滿。

上述嘅個案,係有家長向教育局轄下嘅諮詢組織家庭與學校合作事宜委員會(家校會)主席徐聯安反映嘅,徐聯安就以有關個案做例子話:「雖然個小朋友嘅行為激進咗啲,但家長就可以藉呢個機會教導子女,而家長自己以後亦唔敢再帶呢份報紙返屋企」。

家校會繼早前表態以「不看、不帶回學校、不帶回家」表達不滿後,尋日又搞咗個「資訊科技新世代、健康家校添姿彩」周年研討大會。期間徐聯安就好關注最近出版嘅淫褻免費報,仲提醒出席研討會嘅家長,必須以身作則唔好帶份淫褻免費報返屋企:「家長唔好講一套、做一套,要趁呢個機會教導子女選擇合適資訊,以建立正面價值觀!」

「Money18免費即秒股票報價網站」現推出8升級功能,財經資訊,實時實發!