衣、食、住、行樣樣加，通脹不斷升溫，雖然政府已向住戶提供最多一千八百元電費補貼，但中電副主席阮蘇少湄尋日透露嚟緊會同政府檢討電費，年底就會有結果。
阮太話，上半年燃料價格高企、通脹升溫及增加清潔能源比例，都令經營成本增加，加上國際煤價上升，同時令亞太區內嘅電費有加價壓力，香港難以獨善其身喎，一句講晒就係要加電費，市民有難喇！
