投訴：新田圍街市 70％空置照加租

新田圍邨居民好姨（化名）在八一年入伙後居住至今，見證商場與街市由「盛轉衰」的歷史。「以前商場有好多大型連鎖食肆，街市又多嘢買，畀咗領匯管之後就愈嚟愈多吉舖，買嘢完全冇選擇，搞到成日都要搭車去第二條邨買！」

好姨指新田圍邨位處偏僻，居民多靠循環巴士線出入，質疑領匯視該邨為「老人邨」而拒絕投放資源，任由街市在「租戶捱貴租，居民唔幫襯」的惡性循環下不斷萎縮。

豬肉檔檔主不滿領匯只顧加租牟利，令檔戶哭笑不得。

居民心聲 琴姐：「呢度冇嘢買逼住去其他地方，點解沙角邨同禾輋邨街市商場好咁多？」

記者曾於下午五時半的「買餸」高峰時段實地了解，發現整個街市冷冷清清，街市六十九個檔位中，卻有五十二個空置；商場五十一個舖位雖然僅得七個空舖，惟大部分舖位卻改建成護老院，令商場變得全無吸引力。全場唯一的生果檔檔主黃先生表示，原本「獨市」生意應可帶來可觀收入，惜新田圍街市不論乾濕貨物均極不齊全，無法吸引邨民消費，變得全無盈利可言。另有不願透露姓名檔主亦稱，自領匯接手管理後生意一落千丈，加上舖位空置率持續高企，已令新田圍邨「邨不成邨」，不滿在惡劣經營環境下，仍被領匯大幅加租及管理費逾兩成。

陳先生：「呢度啲嘢愈冇人買就愈貴，領匯仲話要加租，有冇搞錯！」

雜貨檔雖貨源充足，但在買餸繁忙時段卻「人影都唔見」。

議員斥逃避問題

「領匯喺度已經冇建設，仲要加租，簡直係扼殺商機！」當區區議員程張迎指新田圍街市空置率逾七成，卻未見領匯有任何硬件及策略性改變，現更向僅存租戶大幅加租，狠批領匯未有顧及租戶經營環境，要求檢視現有規劃搞活街市。

立法會房屋事務委員會副主席王國興直斥領匯逃避處理新田圍街市空置率高企問題，「喺呢個時候仲要加咁多租，咁同趕盡殺絕有乜分別？居民買嘢咪又要再貴啲？」王指在通脹已「殺埋身」之際，領匯不應大幅增加商場與街市租金，令居民與商戶百上加斤。

領匯發言人未有正面回應商戶指摘，僅稱新田圍商場鄰近地區街市設施供過於求，已為該物業作適當調整，如在原有街市增加零售或服務商舖樓面，除更善用空間外，亦令商場選擇更加切合居民期望。

記者林綺淇