受惠於經濟復甦及樓市暢旺，港府喺上個財政年度嘅總稅收打破二千億元大關，比前一個年度上升一成七，創下歷史新高。稅務局局長朱鑫源尋日警告，由於樓市及股市市況難以預測，稅局惟有對物業同股票印花稅作出較審慎嘅估計，預算本年度總稅收會下跌百分之四，有學者仲估計會唔止跌咁少。
不過，港府過往經常有意無意低估收入，以逃避增加開支同派糖紓困，稅局嘅警告隨時又係另一次狼來了，信佢一成都嫌多。
