軟墊老化康文署拖延更換
安全軟墊不再「安全」，康樂及文化事務署「唔踢唔郁」拒修葺！陳先生不時到沙田源禾路體育館打羽毛球，今年年初已發現場內四周軟墊不但變硬，更有鬆脫現象，「啲軟墊搞到咁都冇人理，康文署究竟有冇做嘢？」陳指曾向館方反映問題，惟一直未有改善。
康文署發言人指出，上述體育館安全墊於一九九六年設置，已使用多年，故開始出現老化現象。發言人又稱，為免減低對市民造成不便，將計劃在今年中「全港運動會」及暑假場地使用率高峰期過後，至九月才分階段展開維修，預計工程可於十月中完成。
「全港運動會都唔係今年先有，點解唔可以快手啲喺運動會之前做好呢？」沙田區區議員衞慶祥狠批康文署對維修工程「大歎慢板」，促盡快處理場地設施維修問題。