大陣仗搬槍械街坊驚呼
【本報訊】落成十年的平民公屋突然爆出隱世「槍王」，懵然與軍火為伴的六百戶居民始如夢初醒，看着探員抬出一箱箱威力極猛的槍械、子彈，無不被壯觀場面嚇至心驚膽戰，嘩聲四起。有街坊驚呼：「成間屋都係火藥，喺正我哋附近，如果爆炸咪全幢樓的人一鑊熟，真係好恐怖！」
驚揭軍火庫的屋邨於二○○一年落成，全邨居有六千戶，大批居民聞悉原來終日與「炸彈」為伴，議論紛紛，人心惶惶。其中黃先生的寓所與事發單位只相隔兩層樓，他擔心發生火警，隨時連環遭殃。黃憂說：「佢成間屋都係火藥，政府公屋啲牆身又薄，如果火藥爆炸打穿牆，咪全幢樓的人一鑊熟，真係好危險、好恐怖！」黃先生又指，該些槍械並未鎖好，擔心遇有居民糾紛，恐有人「攞支槍出嚟掃射」。居民劉婆婆亦憂慮：「如果有人突然用嚟襲擊市民，都唔知點算？」
深水埗區議員黎慧蘭則批評警方監管及巡查不力，她指案發單位面積不大，根本可「一眼睇晒」，她質疑：「咁細嘅單位，收埋咁大批彈藥，警方巡查居然查唔到，明顯查得唔夠仔細。」