路牌傾斜路署久未維修
街道路牌傾斜失修，路政署「唔踢唔郁」遲遲未作修葺！梁太不時經過大圍積福街，發現積福街有路牌傾斜多時，狀如「比薩斜塔」，「個路牌斜咗好耐喇，一直都冇人去整，啲部門真係離晒大譜，好似唔使做咁！」梁太指積福街行人甚殷，擔心長此以往或會有倒塌危機，後果不堪設想。
路政署發言人表示，去年十一月下旬曾經巡查上述路段，並未有發現該路牌傾斜，接獲本報查詢後，隨即派員進行實地查察，發現該路牌的支架曾被外物碰撞導致傾斜，已經即時更換。
沙田區區議員鄧永昌狠批路政署「死唔認錯」，有關回應更令人大為氣結。「個路牌係有事即刻整番咪得囉，點解仲要話之前冇發現？」鄧認為路政署及其他政府部門「有事掩飾，冇事解釋」之陋習不可以接受，促請盡快改善。