過江女神：技師怪論 胸大有自信
愛靚定愛命？有德國四仔脫星為咗胸前更偉大，隆胸六次到F Cup都嫌未夠，再於手術枱上變G奶，因而昏迷。查實呢啲個案世界各地屢見不鮮，之不過同樣靠對咪咪搵食嘅芝芝就話，人生幾時都係賭博，有胸趁嫩隆，死都冇有怕！
跟隨潮流
澳門打×1浴室技師芝芝，望見廿三歲嘅脫星因「僭建」出事，未知有冇些少心驚呢？芝芝話：「心驚一定有，但無阻我想隆胸嘅心願！」究竟係乜嘢心態，莫非為咗靚靚真係可以命都唔要？芝芝斬釘截鐵話：「係！有胸要趁嫩隆，若然唔係人老珠黃，到時你隆到全宇宙最巨都冇人欣賞你！」OK，既然阿妹認為隆胸有其必要性，查實隆一次咪夠囉，何苦搵條命較飛，加重風險，呢啲唔係叫趁「嫩」隆，而係「亂」隆至真喎？芝芝解釋：「邊個唔知阿媽係女人，若然隆一次就心滿意足，相信社會上所有女人都走去隆胸，然後整容醫生就執笠啦！人心永冇滿足，況且隆胸亦要跟潮流走，今日大，聽日可以細，邊可以一勞永逸o架？」
可大可小
細佬唔係女人，難以理解女人為咗舊肉不惜搵命博，但眼前嘅芝芝都話想去「擴建」，主要都係因為人客一句說話。芝芝話：「有次我個好姊妹畀男友話個胸太細，因此唔開心，既然隆胸可以靚靚，自信心就返晒嚟，再者做呢行有其必要性，咪咪愈大愈多人揀，唔只係靚亦係為咗搵食o架！」明白，問題係目測芝芝經已有E奶，阿妹都仲未滿意，未知佢下鋪又諗住「擴建」幾多Cup呢？「暫時未有定案，要睇市場標準，假如身邊姊妹都變G奶，咁我就整對H奶出嚟威吓，或者我心情唔好，變番細佢都唔出奇o架！」
芝芝 Profile：
三圍：34-24-33
身高：5呎3吋
撰文：祖 攝影：章