政情：葉偉明爭全退保孫中山上身

立法會福利事務委員會尋日討論設立全民退休保障事宜，爭取盡快設立全退保嘅工聯會議員葉偉明就突然國父孫中山上身，話如果將全退保視為革命嘅話，爭取全退保就好似國父孫中山所言，「革命尚未成功 同志仍須努力」，即係話爭取全退保仲未成功咁話。佢仲補多句，話明年係辛亥革命一百周年，佢唔希望爭取全退保好似辛亥革命咁，有一百周年嘅情況出現。