門診預約電話供不應求
現年六十二歲的何先生患有高血壓，需長期用藥物控制病情，惟近期一直無法預約上水石湖墟賽馬會診所普通科門診，「打咗成兩個星期都仲未預約到，依家剩番七日藥，再約唔到就冇藥食，到時都唔知點算！」
病人互助組織聯盟副主席張德喜表示，醫院管理局推出普通科門診電話預約服務已近四年，服務不足聲音卻不絕於耳，認為醫管局責無旁貸，「有啲預約咗可能冇嚟，嘥咗啲籌，有需要嘅又約唔到，醫管局好應該認真檢討睇下點去改善！」
醫管局發言人承認，由於區內市民對基層醫療服務的需求殷切，透過電話系統預約上述診所服務的市民會較多，有時或會難以成功預約，市民可嘗試前往區內其他普通科診所求診或接受夜診服務。該局會密切監察市民對門診服務的需求，定期檢討以作改善。