政情：同根論廢噏鐵頭仁當秘笈

民主黨自支持政改方案後，同「公投派」於政制問題上形同陌路，民主黨主席何俊仁（鐵頭仁）尋日就話，唔會放棄繼續同中央就政制問題談判，同時特別強調，佢願意同唔同意見嘅人士溝通，希望本是同根生嘅泛民要互相尊重，唔好互相攻擊喎。其實一直話會追擊民主黨嘅社民連同選民力量，講到明唔當佢哋係盟友，鐵頭仁呢番同根論，睇嚟都係對空氣說話。