球場鐵欄破損領匯懶理
領匯管理社區設施不力又見一例！張伯早前在青衣長康邨休息期間，發現康美樓對出的籃球場鐵欄有多處破損，久久未見領匯維修，「條柱好似畀人咬咗一啖咁，蝕到得番一半，唔通等到個欄爛晒先至有人補鑊？」張伯要求領匯加強巡查各項社區設施，「唔好買完啲資產就擺喺度唔理！」
領匯發言人指出，該公司日常巡查籃球設施時已知悉鐵欄損壞情況，並於較早前安排承辦商維修有關鐵欄，預計工程於十二月中旬完成。
「社區設施對居民好重要，領匯絕唔可以偷懶唔理！」當區區議員徐曉杰認為，領匯若一早發現有關問題，便應立即圍封有關位置及張貼通告，避免使用者接觸受傷，亦希望領匯加強巡查設施，避免問題再次出現。