車場亂泊嚴重出入困難
沙田小瀝源廣善街咪錶停車場車輛「亂泊一通」，警方執法有欠積極！蔡小姐不時途經上址停車場，發現車輛停泊毫無規劃，大至五點五噸車輛，小至私家車均「梅花間竹」停泊在內。「大車畀啲細車頂住，出唔到車又係咁響按，警察又唔理，離晒譜！」
警方發言人表示，上述停車場容許輕型貨車、私家車及電單車停泊，並指五點五噸車輛歸類輕型貨車，可停泊於上址停車場。警方亦指會按照「靈活執行交通法例政策」對違例車輛採取適當行動。
香港商用車輛駕駛教師協會主席鄭楚光直斥警方執法混亂，「啲大車輛出唔到唔係因為畀啲私家車頂住，有可能係停車場有非法泊車！」鄭坦言倘若警方肯多主動，巡查違泊車輛，問題便會迎刃而解，附近居民亦不會被響號所帶來的噪音滋擾。