中環出更：顧紀筠拎LV手袋裝金條

顧老闆早前出席一個LV活動，以一襲購自巴黎嘅新款LV白色外套襯黑色迷你裙，盡顯淑女風範。除咗買衫外，LV手袋都係佢「飛佛」，Speedy款式最得佢歡心。

質料夠堅韌

顧老闆自爆一段拎袋趣事，話說去年同老公行金舖買生日禮物畀囝囝，一口氣掃咗三條粗金條，分量十足，為免太張揚，佢索性將金條放入LV Speedy手袋攬到實，贅到手袋底部都出現一個尖底，真係拎都拎到手軟。不過經此一役，顧老闆發現Speedy袋夠晒堅韌喎。

以手工旅行箱起家嘅LV，Speedy款式多年來歷久不衰，除咗傳統嘅Monogram圖案外，設計師亦選用不同皮革物料，延續Speedy傳奇。