政府同金管局聯手出招打擊炒樓，即時令二手交投大幅減少。新世界發展董事總經理鄭家純預期，政府「落重藥」除咗影響用家置業外，會令樓價喺短期內下跌一成，並即時引起多種負面反應，包括發展商調整新樓盤定價、撻訂及以公司形式進行買賣嘅個案上升。不過，純官睇死措施效力只係暫時性，事關住宅長遠供求仍未解決，意味樓市前景仍然樂觀，佢相信幾個月後樓價將會重新向好。