本港第一個最低工資水平尋日公布，一如外界所料定為時薪廿八蚊，之前話廿蚊一個鐘最冇殺傷力嘅飲食界議員張宇人（Tommy）自然成為傳媒追訪目標，Tommy一開始就誇下海口話畀大家任問唔嬲，點知最後成個記者會開咗唔夠廿分鐘，而無論記者點追問佢，Tommy都遊花園唔肯答。
最後避無可避，佢寧願自貶話自己都撈唔掂飲食業要轉行嚟迴避問題。睇嚟Tommy真係吸取咗講多錯多嘅教訓，學識咗任問都唔答。