琴姐醫眼亟需2.5萬元

「媽咪嘅手術日期因為籌唔到手術費要改完再改，醫生話再唔醫就唔會好番，你教我點算？」阿平一臉徬徨地向記者訴說。現四十五歲的阿平與七旬母親相依為命，其母右眼自多年前開始已陸續出現問題，接受白內障手術未幾又再受黃斑退化影響，醫生指琴姐倘再不及時接受治療，右眼將很可能完全失明。

「依家乜都睇唔到」

「依家乜都睇唔到，斟水又會倒瀉，行路又睇唔到前面有嘢，成日都撞到！」琴姐指自今年六月份證實患上黃斑退化後，視力即不斷退化，加上左眼同時患上白內障，致視力幾近全失，平日已不敢再獨自踏出家門，甚至已失去自我照顧能力。

阿平現靠任職縫紉風帆散工維生，收入微薄，須領取低收入綜援才能解決生計，無法為母親支付逾二萬五千元的治療費用。對於令琴姐的治療一拖再拖，阿平亦深感愧疚。

醫院管理局發言人表示，病人右眼出現濕性視網膜黃斑退化，可導致中樞視力喪失引致右眼失明，醫生建議接受抗壓抑血管生長的藥物注射。現時有關針藥屬自費項目，病人需接受注射三次針藥。根據臨床經驗，針藥有可能減慢或控制病情、改善視力的療效。

捐款號碼﹕11688

記者：馮國豪