范太：難理解諾獎準則
【本報訊】全國人大常委范徐麗泰指出，諾貝爾委員會對內地在囚異見人士劉曉波頒發和平獎，可能與外國對中國有不滿，覺得中國「氣燄太甚」有關，又以去年美國總統奧巴馬獲獎為例，指難以理解委員會以甚麼準則決定得獎者。
范太昨日在一公開場合表示，今次劉曉波獲獎可能牽涉其他原因：「現時中國國力升咗啲，大家可能對中國有啲不滿，或者覺得你氣燄太甚。」她又說：「我淨係記得上一次畀奧巴馬，奧巴馬當時上咗任唔夠一個月，就知奧巴馬對世界和平一定會有好大的貢獻，呢啲準則，以我呢啲平常人就諗唔到點解要咁畀法，佢鍾意畀邊個都得㗎嘛，呢啲係佢嘅選擇、佢嘅自由。」
政改一次性立法需人大通過
對於四名泛民立法會議員準備下月前赴挪威出席頒獎禮及支持劉曉波獲獎，范太未有正面評論會否影響泛民與中央的關係，指議員有自由到任何國家參加任何活動，但「應該清楚國家就事件嘅立場」。
對於泛民要求港府就政改問題作一次性立法，范太強調任何政改方案均須先諮詢市民意見，進行一次性立法前，亦須先經全國人大常委「開綠燈」，「唔會話一次過（立法）唔得，將來嘅事將來先講」。