中環耳目：陳克勤推介Naozen和風定食

材料新鮮 價錢合理

原來呢度係Gary最愛食肆之一，已經幫襯咗五、六年。佢鍾意餐廳嘅價錢合理，食物賣相精緻，最緊要係好好味。佢經常自己嚟幫襯，有時同朋友飯敍都會揀呢度。當日就算立法會冇會開，佢都專登嚟祭五臟廟。Gary極力推介餐廳嘅和風定食同埋魚生飯，當日佢叫嘅和風定食，有齊前菜、刺身、煮物、燒物、蒸蛋，可謂包羅萬有，難怪Gary盛讚好似歎緊小型懷石料理。

Naozen係中環人醫肚嘅熱點，佢哋以高級刺身作主打，材料新鮮而且價錢合理，最啱忙碌嘅中環上班一族忙裏偷閒歎餐飽啦！