全港最細換心童康復 陳黎虹母為桐桐打氣
【本報訊】本港最年幼的換心兒童陳黎虹，○八年患上「擴張性心肌病變」，經本報呼籲後獲善心人死後捐出心臟移植。陳黎虹的母親鼓勵廖穎桐家人，「唔好灰心，一定要養好囡囡身體，預備隨時換心；等得耐啲，機會就大啲。」
「玻璃心女童」陳黎虹去年四月（六歲）成功換心至今，康復進展理想，陳母指女兒「能夠成功換心，真係好感恩。我好明白作為父母嘅心情，細路仔換心機會係渺茫啲，但並唔係絕望，有機會我都想探望桐桐小朋友，鼓勵吓佢！」
陳母憶述，女兒輪候換心的七個多月期間，心臟及肝臟功能都出現問題，肝臟發大，頂着胃部，令胃口很差，每次只可吃兩啖食物。她的心得是盡量烹調一些有營養的食物及湯水給女兒，少食多餐，「畀多啲營養佢，體力好啲。」女兒的健康能夠支持得愈久，等候到合適心臟的機會自然愈大。黎虹康復後胃口大增，體重由生病時只得十五至十六公斤，增至現時廿四點五公斤。
上月一家人慶祝生日
黎虹現時只需定期覆診，更可正常上體育課，性格文靜害羞，既熱愛學習，又喜歡做運動，成績優良，考全班頭十名。陳母說，「阿囡好專心做功課，每日做完功課，就落公園做運動一至兩個鐘，打籃球、羽毛球、踏單車，出一身汗之後精神仲好！」上月剛好是黎虹八歲生日，一家人在家中吃晚飯及切生日蛋糕慶祝，雖然平淡但健康是福。