政情：徐英偉自認投資明燈
喺加拿大讀書嘅民政事務局局長政治助理徐英偉，原來未打政府工之前，曾經喺香港同加拿大唔同金融機構服務。年紀輕輕嘅佢加入政府前，係恒生銀行投資事務經理，對投資有一定心得，不過佢早前去體育學院參觀時自爆，話幫人做分析就叻，但自己投資就無乜斬獲，搞到佢做晒友儕間嘅「投資明燈」，又會咁嘅？
的確係咁！徐英偉話，做得專業金融服務員，幫客人分析時一定要冷靜客觀，但當自己投資時，唔多唔少一定有偏好，有時主觀得滯，結果搞到成績認真麻麻。
就係因為咁，當身邊朋友知道佢自己投資咗乜嘢時，往往避之則吉，結果就成為朋友心中嘅「明燈」喇！原來徐英偉都幾幽默噃。