「畀希望我又唔畀我結婚」
【本報訊】「我好想好似香港女性一樣結婚，但政府一邊畀希望我，一邊又唔畀我結婚，我覺得受到歧視，好唔公平。」爭取與男友合法結婚但失敗的Ｗ小姐，對判決感到非常失望，她指政府一方面全數資助她接受變性手術，讓她更改身份證上的性別，甚至連學業證書上亦已改為女性，但另一面卻不准她合法結婚，認為裁決結果與政府政策互相矛盾。
一直不肯公開露面的Ｗ，透過電話接受傳媒訪問的時候表明會繼續上訴，並且對最終能勝訴有信心，「雖然我係一個好怕羞同無膽量嘅女仔，但我都唔會半途而廢！」她認為法庭有責任保障市民基本權利，「我覺得作為香港女性，我絕對有權利同心愛嘅男朋友結婚，亦不會與男朋友在本港以外的地方結婚。」
「時間長咗 無嘢可以保障」
Ｗ坦言，男朋友一直知悉她是變性人，而她與男朋友真心相愛，今次判決不會影響兩人的感情，但「時間長咗，無嘢可以保障，唯獨係政府或者法律可以保障到。」但對於是否正在籌備婚禮或何時開始有結婚打算等問題，Ｗ均以私事為由拒絕透露。
廿多歲的變性人MoMo亦指，結婚是人的基本權利，今次判決是剝削變性人的權利，「房屋、醫療、報稅方面，都剝削咗我哋嘅權利，第時如果我嘅伴侶做手術要簽同意書，我都唔可以簽！」